فـــراشـــة

كانت طايرة في عز البرد ..
كل شوية تزور الورد ..
تحضنها اوراقه تتباها بجملها تتمايل بجناحها ..
فرحانة برقتها عاشقة لالونها
وفجاة ومن غير معاد طيرها الهوا لهناك
راحت لحد عنده
غصن وحيد وكان شديد اوي وعنيد
وعشانها فراشة رقيقة
حساسة اوي وجريئة
اتميلت عليه بحنية
وسالته مجرد سؤال
ليه يا غصن وحيد ؟؟ليه عنادك بيزيد ؟؟
ليه شكلك قاسي كده رغم انك حر طليق
حنين اوي باين في هدوئك
عظيم اوي باين في سكونك
رد باجابة رقيقة
انا كنت زمان وحيد بس انتي دلوقتي معايا
عنادي كان في قسوتي
وقسوتي بيكي دلوقت لانت
حنيتي معاكي بس اتجددت
وعظمتي بوجودك معايا زادت
اوعي تطيري يوم وعني تاني تبعدي
انا كنت قبلك يا فراشتي مجرد غصن خشب عادي
دلوقت بقيت توب حرير وتحت رجليكي اتفرش