السنة الهجرية 1431هـ

كل عام وأنتم بخير بمناسبة العام الهجري الجديد

جعلها الله سنة خير وبركة ومحبة ونصرة وعزَّة للأمة الإسلامية والعربية

  

ختم الله عامنا بالخير والرضا وبالقبول


وكتب لنا عاما مضمخا بالعزة والنصر والرضا والقبول


أحداث عام 1430 كانت ابتلاءات حقة ... وأخرجنا الله منها برحمته .. بدأ بأحداث غزة الحبيبة ... ثم غياب ملاك ... ثم أحداث المملكة من زلازل وحروب ... وأمراض ... وآخرها الفيضان ... وحدث مصر والجزائر... وغيرها ... آآه ... فليرحمنا الرحيم ... وليكن عام 1431 عام عز
 

  

  

ذهب عام ... وجاء آخر (هجري وميلادي)، وانتهت سنة أخرى من أعمارنا وأقبلنا على أخرى، وانشغلنا بالتهاني والتبريكات بين الأصدقاء والأقارب والأحباب وتمنى أحدنا للآخر سنة جديدة يملؤها الخير والسرور والأمان والإيمان
وكل سنة وانتم بالف خير
 

مجنونة

 مجنونة.. مجنونة 

وجنوني باختياري

 بصرخ بعلو صوتي.. يا سامعين صراخي

نفسي ولو مرة اجرب اعمل شئ جنوني 

من غير ما حد يقولي عندك.. بس.. وكفايا

نفسي بس من الدنيا.. اخلص تاري

ياه علي الحياة

ياه من   الحياة ..

والي وخداه من حبنا

ياه من الحياه..
ياه من الدنيا والايام

خدت امل ..خدت فرح ..خدت حلم بيجمعنا هنا
كل يوم جراح والام

جرح سهل.. وجرح هين ..وجرح جوه القلب علم..
 وسابت لينا  يادوب جرح بينزف من وجعنا 

 سابت دموع بتجري علي خدنا
سابت علامة في قلب كل عاشق فارق يوم حضننا

ومهما نقول نضحكلها
تضحك علينا من قلبها
وتغدر بينا وتخلينا نلعنها ونقول مش بنحبها
ياااه ..ياه علي  الحياة

*&*&*&*&*&*

بقلم /ايمي & جيجي

كل حاجة محيراني

كل حاجة في حياتي.. محيراني

وحاجات حصلت كتير.. مغيراني

حاجات كتير بشوفها ..مصبراني

وحاجات كتير تانية ..خنقاني

كتير بتوه من نفسي.. وكتير بلاقيها

وكتير اوي في ثانية.. بتوه انا فيها

نيفسي الاقي طريق.. كله ضي

مافضلش انا ادور.. علي نور لسة جي

نيفسي اعيش في الدنيا ..من غير قلق منها

ولا خوف حتي عليها..

نيفسي اكون انا.. ونفسي تصفالي

نيفسي أعرف نفسي.. علي نفسي

هلاقي وقتها.. كل فرح يحلالي

وهلاقي.. كل حزن سبني انا لحالي

ليه بحس ان حياتي ..ملهاش قيمة

لما بتجرح من ايد..عملتلها في يوم قيمة؟؟

وليه بحس اني انا لغيري.. كل الحياة

من كلمة بس حنينة.. اشوف معناها بعيني؟؟

بسمع كلام كتير..طالع من اللسان

بلاقي القلب ساعتها ..بيقول عكس الكلام

مبقتش عارفة خلاص ..مين حبيبي..؟؟ ومين عدوي..؟؟

مبقتش واثقة في كلام.. بسمعه بودني

ليه خايفة اواجه كل ضيق..؟؟

بهرب منه.. من اي طريق

وفاتحة ابواب كتير.. كانت مقفلة

وخايفة اقرب منها.. لافضل فيها متعلقة

احاسيس كتير مش عارفة حتي اترجمها

أسالة كتير محيراني..؟؟؟؟

وارجع كده بفكري واقول ايه جرالي؟؟

ليه كل حاجة في حياتي محيراني؟؟

وحاجات حصلت كتير مغيراني؟؟

الليلة الدنيا ضحكتلي

الليلة الدنيا ضحكتلي ..عشان قبلته وضحكلي

جاي عليا من بعيد ..شايفة فيه الذكريات..

وحاسة جوايا باهات.. بتقولي خلاص ده عمر فات..

سلم عليا ..وسلمت عليه ..ايدي بترجف بين اديه..

بصيت في عنيه وبصلي.. وكأني بشبه عليه ..

هو ده الي زمان حلمت بيه..؟!

هو ده الي زمان اشتقتله..؟!

الي زمان كنت بحنله..؟!

هو ده الي زمان جرحته..؟!

ده الي زمان بكيته بايدي ..وقلبي كان حجر..؟!

وسمعته بيقولي في وقتها ..

انتي اللي زمان حبتها..

قبل ما أكبر واقول يا حياة ..

وفضلت انا افكر واقول ياريت ما كنا نكبر..

وفضلنا زي ما احنا الحب هو املنا..

ومش في بالنا ان جرح الدنيا اخرنا..

كنت فرحانة بيه.. فرحانة بشوق عنيه

ضحكته رجعتني لاجمل ايام عمري..

وحكتله وحكالي .. عن حياته وحياتي

وفي لحظة غابت عيني عن واقع اكيد عيشاه..

وتخيلت نفسي حقيقي لسة معاه ..

حبه لسة مليني.. والماضي ده نسياه

ورجعني تاني للواقع.. بصوته الي عمري ما نسيته..

غنالي كلام حبيته .. وفكرني اول ما هويته..

لما غنالي اغنية من قلبي كنت بعشقها..

ولحد دلوقت بسمعها ..وافتكره

وكأن صوته اللي بيغني ليا

وسرحت تاني في حلم كان ليا زمان معاه..

حلم عايشه عشانه اكون بس قدامه..

طيبته ويا حنانه.. عشقه ويا جنانه..

كان نفسي اعيش ليه.. عمري ملك اديه..

قلبي بس يهواه ..وعيني ماتشوفش غير رضاه..

ورجعت تاني صحيت ..من الحلم ده وياريت..

كان طول بس شوية ..وفي بيته كنت صحيت

وافتكرت اني لغيره .. وبكره اكون في بيته

وهو ليه حياته....

علي اد مافرحت بلقاه..

علي اد ما اتمنيت افضل معاه..

ديه كلمة مني ونصيحة لاي حد..

لوفضلت عمرك مستني تحب حد..

وفجاة لقيته جنبك وحيد مش معاه اي حد..

فكر بس تقرب وخد الموضوع بجد..

لو اتكلم وقالك قلبي انا فاضي مفهوش اي حد..

ضمو قوام في قلبك وخبيه من اي حد..

وروح وراه حتي لو راح اي بلد..

سكنه جوه منك في برج للابد..

عيش معاه في جنة محمية من الهدد..

احميه بجفون عيونك من اي جرح يتولد..

حلي جمال دنيتكوا بالبنت والولد..

ربيهم علي الاسلام بالواحد الاحد..

حببهم في سيرة نبيك محمد..

ادعي بس ربك يحميكوا من الحسد..

وديه كلمة مني ونصيحة لاي حد..

لوفضلت عمرك مستني تحب حد..

وفجاة لقيته جنبك وحيد ومش معاه اي حد..

فكر بس تقرب وخد الموضوع بجد..

حـــــررني بــــــاردتك..

هعدي بحور الخوف وارسي علي شطك..

هنسي الامي وهمي في ملامح صورتك..

هصحي احلامي بلمسة من حبك..

هداوي جرح سنين بنظرة في مرايتك..

هرجع فيا الضحكة من بين سطور سيرتك..

هعلق نور الفرح في كياني بوجودك..

هلبس روحي طرحة وازفها علي قلب مفتونك..

وهقطف ورد لونه لون قلبك..واشم فيه الامان الي فيه انا جنبك..

وهفتح قلبي تاني بمفتاح حبك..هقلب صفحاتي واكتب عن عشقك..

وهسيب نهايتي ليك تكتبها بخطك..

يا تسبني اعيش اسيرك ..يا تحررني باردتك

نفسي اقولك..

..نفسي اقولك كلام قلبي حسه..

وصوتي يعلا في سكوتي وهمسي

بشوفك واحسك في خوفك..

في حبك..

في وقت الكلام..

وحتي في السكات.. منك بقرب

وأحلم بعمر عيشاه بس ليك

قلبي حكالك عن الحب قصة فاقت احتماله

عشاه معاه قلبك.. ووهبله حاله ..وكل اماله

احبك وادوب.. واسهر عيوني تحس باهاتك

ولو فيها جرحي.. مقدرش اهرب

هلاقي عيونك بيرجعوني ليك

انا حلم عمري اعيشلك ياعمري

واحضن الدنيا الي قبلتني بيك

يـــالـــيـــل..؟؟

ياليل في عيون مليانة ملل

ياليل في عيون مات فيها الامل

ووقت عدي بطئ الخطاوي

وشمعة انطفت وعلت الغناوي

علي شط المهمومين..باهات وانين

بشوق وحنين

لموجة جاية من بعييييييييد ..شايلة ما بنها سؤال ملايين

ياليل..جرح القلوب ده عادة ولا في شرع مين؟؟

ياليل صحيت ليه جرحي

هو ظلامك ده ذنبي..ولا بتخفي حزنك ورا جرح المجروحين

اخفي الجروح ياليل عن باقي العاشقين وداوي بسكونك جرح المحبين

ده جرح سهرانينك نافذ ..مين هيستحمل ولا مين ولا مين..

داوي ياليل جروحهم بالنسيان او حتي بالتناسي

داوي يا ليل الامهم بالحب والامان

ليه اتعذب انا وابكي وانذف كمان بجرحي..

بجرح مهوش ذنبي بس ذنب ناس تانين

ياتدويني وتهاديني بحلم حب ماهوش فاني

يا اما هعيشك ونفسي يائسة ذليلة بعاني من جرح فات عليه الزمن

ياليل كفاية وحن عليا ..عجزي وصمتي بقوا حمل عليا

كتمت سري ولكن هبوح..

من خداعه انا قلبي ضاع..اشكيه لمين واقوله ايه واحكي ازاي وليه وفين

ماهو ده ياليل اللي زمان باع ..كنت بحلم اكون معاه ولكن بغدره الحب ضاع

وسمعتك بتهمس ليا وتقولي بلاش وداع..وصدقت

وجاي تاني تفكرني وتقولي وتعدلي

لا ده خان وهان وكان وكان..وقلت ساعتها قلبي عمره ما هينسي الي ضاع

ولا ينسي حلم ولا امل ولا مكان في يوم شهد علي الخداع

بس يا ليل الليلة جيت اهني قلبي الي راح

واقوله واصرخ وداع وداع

وانا هبكي ليه ..انساني يا قلبي وانسي الي باع

لــــماذا..؟؟

لماذا..؟؟ثم لماذا..؟؟ثم لماذا..؟؟

لماذا يهوي كل منا البقاء في قلب وعقل الاخر..؟؟

لماذا لا نرغب في النسيان..؟؟

ونتلذذ بدموع الفراق..؟؟

وهل هذا نتيجة لاخلاص قلوبنا..؟؟

ام رغبة في التمسك بحب هذا الانسان..؟؟

ومازلنا نختلق لانفسنا الاعذار.. ونعقد اللسان عن الاعتراف بالانكسار..

اسأل ..وقلبي مكبل بالاساور ..ويرقد محاط ببكاء من نار..

وعجز عقلي ان يحرره جاهدا..ولكن هواك بقلبي قد استوطن..

وصنع من بكائي نورا في ظلام الانكسار..

فلماذا..وبعد طول غياب ..تعود لتعيد قلبي من حبك الجبار..؟؟

فاليوم ابدو كلهيبا محرقا..

ولكني مازلت لك بالاعذار يحتال..

وينمو حبك بقلبي دون شكوي..ودون ان يحتار او يختار ..

فلماذا ..ثم لماذا..؟ثم لماذا..؟؟

ده لـــــــيـــــه يـــــا دنــــيـا..؟؟

انا حالي غير الحال .. محتارة بين الامل.. وبين اني اعيش في الخيال ..؟؟

ياتري ده عيب فيا ..؟؟ولا في الي اسمها الدنيا..؟؟

تعالي هنا يا دنيا ..

عندي ليكي كلام كتير .. بس افتحي قلبك ..؟؟

وجاوبي عليا لو لقيتي الجواب ..وهوني عليا في ردك .. انا انهاردة بعتبك

بكرة يمكن مقدرش اوجهك .. قلبي خلاص مبقاش حمل العتاب ..

ده ليه يا دنيا ..؟؟

يا دنيا انتي ليه وخدانا من نفسنا ..؟؟وكل لما نفتكرها ..بترجعينا من فكرنا ..؟؟

وليه عمرنا بيمر فيكي زي الهوا ..؟؟وليه في الحزن بيعدي سنة..؟؟

سنة في حزننا ..وثانية في حبنا..

وده ليه يا دنيا ؟؟

ليه يا دينا الفرحة فيكي زي الموجة علي شطها..؟؟ رايحة جاية ولا حد همها ..ا

ليه يا دنيا الحزن فيكي بركان اوله دخان واخره نار..؟؟ يا بخت من نجاه ربه من حرها..

وده ليه يا دنيا ؟؟

ليه الشكوي منك بتبقي برضوا ليكي..؟؟ وانتي ولا حسة ..وكمان بنهون عليكي..

ليه يا دنيا حياتنا فيكي زي المطر في سماكي ..؟؟

تيجي في شتاها فرحانة.. واحنا ليها مشتاقين..

وفي صيفك ندور عليها ..وهي علينا قاسية. ولينا ناسية. واحنا يا عيني محتاجين

وده ليه يا دنيا ؟؟

عايشة بينا بس فينا ..بقيتي كل همنا ..

ولو غلطنا فيكي بسبب الحب ليكي.. بتبقي ضددنا ولا بتسألي عننا..

وتقولي ربي خلقكوا تعمورها.. انا ما ضربتش ايد حد ..ولا قولت اخربوها

وده ليه يا دنيا؟؟

قاسية بس حنينة.. بتروحي وتيجي فينا زينا.. حاسة بينا وبهمنا ..بس ..مش عارفة

تدفعي عننا ..

لان ده طبعك. .مش راسية علي برك .. ولا عارفة تثبتينا ولا قادرة تهدي لعبك..

تهدي باليمين ..وتضربي بالشمال ..

ياتري العيب فيكي..؟؟ ولا في الي عيشين فيكي..؟؟

ياتري ايه نهيتك..؟؟ ولا هتبقي نهايتنا احنا الاول علي اديكي..؟؟

بس يا عيني عليكي.. بغدرك قويتنا ..وفي ضعفك هدتينا..

وده ليه يا دنيا ؟؟

ولسة ايه هنشوفوا من حبنا ليكي..؟؟

ياتري الغدر طبعك وقواكي علينا ..؟؟

ولا في وقت طيبتك هتصعبي علينا ..؟؟

مبقناش عارفين لونك..؟؟ ولا عارفين فين نورك..؟؟

وده ليه يا دنيا ؟؟

عموما ادينا عيشينك ..بطولك.. بعرضك ..بكل مافيكي ..

لينا رب كريم يحمينا منك فيكي.. هو واحده عالم بضمرنا ..وحبنا ليكي..

وقادر يصبرنا علي غدرنا بيكي ..وفيكي.. بسببك ..وبوهمنا بحبك ..وموتنا عليكي..

وده ليه يا دنيا ؟؟

يارب تهدي علينا.. وترحمينا ..

معناكي باين من اسمك.. بس حيرتينا في امرك..

يوم فوقينا ..يوم تحتينا.. مش عارفين فين نلاقيكي..؟

وده ليه يا دنيا ؟؟

اختاري بقي طبعك ..وبلاش عذاب.. ولعب بينا ..

طيبة..؟؟ ولا شرك ماليكي..؟؟

حنينة..؟؟ ولا قساكي في عنيكي..؟؟

كبيرة ..؟؟ولا ضيقتيها علينا..؟؟

بتحبينا ..؟؟ولا بتكرهينا..؟؟

هنفضل نعاني منك ..؟؟ولا خلاص بقي قررتي تهتتمي بينااااا ..؟؟

ونرتاح احنا من انشغلنا بيكي؟؟

وده ليه يا دنيا ؟؟

ايه بقي يا دنيا رايك في حال البشر منك فيكي....؟؟؟؟

وقولي بقي رايك في كلامنا عليكي ..؟؟

وياتري بنعتبك من حبنا ليكي..؟؟ ولا من خوفنا منك ..؟؟ ولا من الي حصلنا فيكي ؟؟؟؟

ردي بقي علينا ..وانتي واثقة فينا ..سرك معانا في بير ..ولا حد هيعلم بيكي ..

قولي ورودي بقي يا حلوة ..؟؟

ده ليه يا دنيا ؟؟
ده ليه يا دنيا ؟؟

??

??