ممكن لو سمحتي أسألك سؤال..!؟
ممكن يبقوا اكتر.. ماشي الحال؟؟
يا مصر مالك كده حالك مش عاجبني..!!
مالك كده بس حزينة ..؟؟
تهوتي وتوهتينا معاكي في الدوامة
لا بقي فيكي حقوق انسان ولا فيكي حقوق للغلابة
جايز زعلانة علي اللي مات
ولا اثر فيكي زيي مشهد السواد
من الشباب والامهات
ولا جايز زعلانه علي اللى متعذب في المعتقلات
ولا زعلانه على ولادك الفواعليه على السقالات
ليه سايبة ولادك كده متبهدلين؟؟
ليه سايبة كلابك علينا مستقوين؟؟
هو احنا زعلناكي؟؟ وهما اللي طيبين؟؟
طيب هما اللي اذونا؟؟ و احنا اللي خايفين؟؟
ولا انتي جميلة واحنا كلنا وحشين؟؟
طيب سيبك انتي مننا
قول رايك انتي في كلب منهم مستحيل يبقي واحد مننا
ورايك اهم طبعا من رأينا
مين فيهم قلبه كبير وعلي راحتنا حارس؟؟
مين فيهم داق المر قبل ما يبقي الحارس؟؟
ليه لما قعد علي الكرسي لبس خوذة وبقي فارس؟؟
مش عايزة اطول في الكلام
ولا عايزة فتح في الألام
بس خالد مات مقتول
مستغربة ليه اوي كده!!..اه مقتول
واللي قتلوه خدمين للكلاب
هتسبينا خلاص نموت؟؟ ويزيدوا فيكي خراب؟؟
هتسبيهم ينهشوا فينا ..ويبقي طبع الكلاب غلاب؟؟
ارحمينا.. لو حد فينا ليكي في يوم
كان الضني.. كان الابن الامين
ارحمينا.. واعدمي كلابك قتالين القتلة المصعورين
اللي لا بيحكم عقولهم قانون.. ولا يعرفوا الشرع و الدين
كلمة مني واخر حاجة
لو هنا عليكي كده ولينا مش محتاجة
خلاص
سبينا بقي ليهم
نموت تحت اديهم
ولا يبقي يوم لينا قيمة
فرحي فينا اللي في بالي ..وقرايبهم ولاد اللئيمة
وارجع وأسألك تاني ..يمكن تلاقي الاجابة
مالك بس يا امي؟؟
مالك كده حالك مش عاجبني..!!
كل اللي بيحصل فيكي وبرضوا حبك غالبني
برضوا بحبك يامصر
