أنـــكـــســرت

حاسة اني بحلم..

او يمكن ده كبوس..

عايشة من كل حكاية مشهد..

 منها خيالي ومنها اللي ملموس..

جواية حزن يملي قلوب كل البشر..

والباقي منه يبكي الحجر..

اللي باين للناس لوحة جميلة جذابة..

بس اللي مخفي وراها حياة ألونها باهتة..

مالهاش أي معني..

مات جواها الاحساس..

ماتت جواها الفرحة..

بضحك ..أه كتير.. بسرق الضحكة من ورا ألف دمعة..

بقول انا جبل.. وكل جرح بيداوي ..وكل أزمة بتعدي..

بس لامتي هضحك علي نفسي..

كفاية لازم أعترف..

أنـــكـــســرت

الشوارع حواديت

الشوارع حواديت
حودايا الحب فيها
وحودايا عفاريت

**
اسمعى يا حلوة لما اضحكك
الشارع ده

 
كنا ساكنين فية زمان
كل يوم يضيق زيادة عما كان
اصبح الان بعد ما كبرنا علية
زى بطن الام ملناش فية مكان
الشوارع حوديت
حودايا الحب فيها
وحودايا عفاريت

**
اسمعى ياحلوة لما اضحكك
الشارع ده 

رحنا فية المدرسة
اللى باقى منة باقى
واللى مش باقى اتنسى
كنسوة الكناسين
بالمكنسة
وتدور لحظة اسى
انا بردوا كمان نسيت
والشوارع حواديت
حوداية الحب فيها
وحوداية عفاريت

**
اسمعى ياحلوة لما اضحكك
الشارع ده

اولة بساتين
واخرة حيطة سد
ليا فيه قصة غرام محكتش عنها لاى حد
من طرف واحد وكنت سعيد اوى
بس حراس الشوارع حطوا للحدوتة حد
الشوارع حواديت
حودايا الحب فيها
وحودايا عفاريت

**
اسمعى يا حلوة لما اضحكك
الشارع ده

 

شفتك انتى ماشية فيه
لابسة جيب وبلوزة وردى وعاملة ديل حصان وجية
اتجاهك فى اتجاهى مشينة فية
والشارع ده زحام وتية
بس لازم نستميت
الشوارع حواديت
حودايا الحب فيها
وحودايا عفاريت
واضحكى ياحلوة لما اسمعك

الاغنية كلمات الرائع عمنا صلاح جاهين
غناء فرقة الاصدقاء

السنة الهجرية 1431هـ

كل عام وأنتم بخير بمناسبة العام الهجري الجديد

جعلها الله سنة خير وبركة ومحبة ونصرة وعزَّة للأمة الإسلامية والعربية

  

ختم الله عامنا بالخير والرضا وبالقبول


وكتب لنا عاما مضمخا بالعزة والنصر والرضا والقبول


أحداث عام 1430 كانت ابتلاءات حقة ... وأخرجنا الله منها برحمته .. بدأ بأحداث غزة الحبيبة ... ثم غياب ملاك ... ثم أحداث المملكة من زلازل وحروب ... وأمراض ... وآخرها الفيضان ... وحدث مصر والجزائر... وغيرها ... آآه ... فليرحمنا الرحيم ... وليكن عام 1431 عام عز
 

  

  

ذهب عام ... وجاء آخر (هجري وميلادي)، وانتهت سنة أخرى من أعمارنا وأقبلنا على أخرى، وانشغلنا بالتهاني والتبريكات بين الأصدقاء والأقارب والأحباب وتمنى أحدنا للآخر سنة جديدة يملؤها الخير والسرور والأمان والإيمان
وكل سنة وانتم بالف خير
 

مجنونة

 مجنونة.. مجنونة 

وجنوني باختياري

 بصرخ بعلو صوتي.. يا سامعين صراخي

نفسي ولو مرة اجرب اعمل شئ جنوني 

من غير ما حد يقولي عندك.. بس.. وكفايا

نفسي بس من الدنيا.. اخلص تاري

ياه علي الحياة

ياه من   الحياة ..

والي وخداه من حبنا

ياه من الحياه..
ياه من الدنيا والايام

خدت امل ..خدت فرح ..خدت حلم بيجمعنا هنا
كل يوم جراح والام

جرح سهل.. وجرح هين ..وجرح جوه القلب علم..
 وسابت لينا  يادوب جرح بينزف من وجعنا 

 سابت دموع بتجري علي خدنا
سابت علامة في قلب كل عاشق فارق يوم حضننا

ومهما نقول نضحكلها
تضحك علينا من قلبها
وتغدر بينا وتخلينا نلعنها ونقول مش بنحبها
ياااه ..ياه علي  الحياة

*&*&*&*&*&*

بقلم /ايمي & جيجي

كل حاجة محيراني

كل حاجة في حياتي.. محيراني

وحاجات حصلت كتير.. مغيراني

حاجات كتير بشوفها ..مصبراني

وحاجات كتير تانية ..خنقاني

كتير بتوه من نفسي.. وكتير بلاقيها

وكتير اوي في ثانية.. بتوه انا فيها

نيفسي الاقي طريق.. كله ضي

مافضلش انا ادور.. علي نور لسة جي

نيفسي اعيش في الدنيا ..من غير قلق منها

ولا خوف حتي عليها..

نيفسي اكون انا.. ونفسي تصفالي

نيفسي أعرف نفسي.. علي نفسي

هلاقي وقتها.. كل فرح يحلالي

وهلاقي.. كل حزن سبني انا لحالي

ليه بحس ان حياتي ..ملهاش قيمة

لما بتجرح من ايد..عملتلها في يوم قيمة؟؟

وليه بحس اني انا لغيري.. كل الحياة

من كلمة بس حنينة.. اشوف معناها بعيني؟؟

بسمع كلام كتير..طالع من اللسان

بلاقي القلب ساعتها ..بيقول عكس الكلام

مبقتش عارفة خلاص ..مين حبيبي..؟؟ ومين عدوي..؟؟

مبقتش واثقة في كلام.. بسمعه بودني

ليه خايفة اواجه كل ضيق..؟؟

بهرب منه.. من اي طريق

وفاتحة ابواب كتير.. كانت مقفلة

وخايفة اقرب منها.. لافضل فيها متعلقة

احاسيس كتير مش عارفة حتي اترجمها

أسالة كتير محيراني..؟؟؟؟

وارجع كده بفكري واقول ايه جرالي؟؟

ليه كل حاجة في حياتي محيراني؟؟

وحاجات حصلت كتير مغيراني؟؟

الليلة الدنيا ضحكتلي

الليلة الدنيا ضحكتلي ..عشان قبلته وضحكلي

جاي عليا من بعيد ..شايفة فيه الذكريات..

وحاسة جوايا باهات.. بتقولي خلاص ده عمر فات..

سلم عليا ..وسلمت عليه ..ايدي بترجف بين اديه..

بصيت في عنيه وبصلي.. وكأني بشبه عليه ..

هو ده الي زمان حلمت بيه..؟!

هو ده الي زمان اشتقتله..؟!

الي زمان كنت بحنله..؟!

هو ده الي زمان جرحته..؟!

ده الي زمان بكيته بايدي ..وقلبي كان حجر..؟!

وسمعته بيقولي في وقتها ..

انتي اللي زمان حبتها..

قبل ما أكبر واقول يا حياة ..

وفضلت انا افكر واقول ياريت ما كنا نكبر..

وفضلنا زي ما احنا الحب هو املنا..

ومش في بالنا ان جرح الدنيا اخرنا..

كنت فرحانة بيه.. فرحانة بشوق عنيه

ضحكته رجعتني لاجمل ايام عمري..

وحكتله وحكالي .. عن حياته وحياتي

وفي لحظة غابت عيني عن واقع اكيد عيشاه..

وتخيلت نفسي حقيقي لسة معاه ..

حبه لسة مليني.. والماضي ده نسياه

ورجعني تاني للواقع.. بصوته الي عمري ما نسيته..

غنالي كلام حبيته .. وفكرني اول ما هويته..

لما غنالي اغنية من قلبي كنت بعشقها..

ولحد دلوقت بسمعها ..وافتكره

وكأن صوته اللي بيغني ليا

وسرحت تاني في حلم كان ليا زمان معاه..

حلم عايشه عشانه اكون بس قدامه..

طيبته ويا حنانه.. عشقه ويا جنانه..

كان نفسي اعيش ليه.. عمري ملك اديه..

قلبي بس يهواه ..وعيني ماتشوفش غير رضاه..

ورجعت تاني صحيت ..من الحلم ده وياريت..

كان طول بس شوية ..وفي بيته كنت صحيت

وافتكرت اني لغيره .. وبكره اكون في بيته

وهو ليه حياته....

علي اد مافرحت بلقاه..

علي اد ما اتمنيت افضل معاه..

ديه كلمة مني ونصيحة لاي حد..

لوفضلت عمرك مستني تحب حد..

وفجاة لقيته جنبك وحيد مش معاه اي حد..

فكر بس تقرب وخد الموضوع بجد..

لو اتكلم وقالك قلبي انا فاضي مفهوش اي حد..

ضمو قوام في قلبك وخبيه من اي حد..

وروح وراه حتي لو راح اي بلد..

سكنه جوه منك في برج للابد..

عيش معاه في جنة محمية من الهدد..

احميه بجفون عيونك من اي جرح يتولد..

حلي جمال دنيتكوا بالبنت والولد..

ربيهم علي الاسلام بالواحد الاحد..

حببهم في سيرة نبيك محمد..

ادعي بس ربك يحميكوا من الحسد..

وديه كلمة مني ونصيحة لاي حد..

لوفضلت عمرك مستني تحب حد..

وفجاة لقيته جنبك وحيد ومش معاه اي حد..

فكر بس تقرب وخد الموضوع بجد..